Milcah`s POV
Malapit nang gumabi pero hindi ko pa natawagan si Ranger. Kinakabahan kasi ako or like hindi ako ready na sabihin sa kanya `yung desisyon ko.
“Tawagan ko na ba siya?” hindi mapakaling tanong ko sa `king sarili.
I know I have to make a choice pero labag talaga sa loob ko na maging PA ng piratang `yon! I hate him tapos I will work for him?
“I should call him,” ani ko bago tinawagan si Ranger.
“What?” mahinang sambit niya.
“I`ve made up my mind,” panimula ko sa usapan.
“Speak,” aniya.
“Papayag na ako na maging PA mo,” diretsong sabi ko.
Napairap pa ako nang marinig ko siyang tumawa mula sa kabilang linya. Gigil na gigil ako dahil sa inis!
“I knew you would say that!” tumatawang sambit pa niya.
“Yeah, whatever!” mataray na giit ko.
Gusto ko na lang siyang awayin para makaganti kahit paano. Kung hindi ko lang talaga kailangan ang project, baka kanina ko pa siya sinigawan.
“Start working tomorrow,” aniya.
“Fine! Just so you know I don`t like working for you,” inis na sagot ko.
“I know,” natutuwang pahayag niya.
“Makakaganti rin ako sa `yo balang-araw!” pasigaw na sabi ko bago binaba `yung tawag.