TULALA SI Lexus na nakahiga sa kaniyang kama habang nakatitig sa kisame, hawak ang kaniyang cellphone. Mayamaya ay bumangon siya at umupo saka nag-type sa screen na binura din naman niya kaagad. He's actually doing that for the nth time now and it's making him crazy.
Gusto lang naman niyang kumustahin ang lagay ni Reena. Kung nakauwi ba ito nang safe o kung mabuti na ba ang pakiramdam nito. Hindi niya alam pero sobra-sobra talaga ang concern na nararamdaman niya rito.
"Hindi kaya talagang mangkukulam ang babaeng iyon?" wala sa sariling naitanong niya.
Come to think of it. Totoong maraming crush si Reena sa Campus nila. Pero halos lahat din ng lalake ay attracted sa kaniya. Iyong iba nga kahit may mga jowa na, may hatak pa rin si Reena. And obviously, iyon din ang nangyayari sa kaniya.
