PAALIS NA sila ng cafeteria nang mapansin ni Lexus ang isang cellphone na nakapatong sa lamesa. Dahil nauna nang tumayo ang mga kasama niya at naglakad palabas ay siya na ang dumampot noon. Nagulat pa siya nang pagbukas niya ay litrato niya ang tumambad sa kaniya. Ilang segundo lang ang lumipas at iba-ibang litrato pa niya ang lumabas doon.
"Lex, tara na! Baka ma-late tayo!" tawag sa kaniya ng pinsan. Sinenyasan niya lang itong mauna na.
Ilang saglit niya pang sinulyapan ang screen ng cellphone. Hindi niya alam kung paano siya magre-react. Kung matutuwa ba siya o ano. Kanina pa mainit ang ulo niya simula nang makita si Reena sa court dahil alam niyang pumunta ito roon para panoorin ang practice game. Ano pa nga ba? Eh, nandoon si Jack at Peter. So, malamang. Pero mas lalong uminit ang
