Crush
KAMILA
Hindi ako girly na babae. Hindi ko hilig ang pink. Mas pinipili ko ang kotse-kotsehan at baril-barilan noong bata ako. Noong nahihilig si Ate Karla sa pagme-make up at inaaya niya akong maglaro no’n, nag-away kami dahil ayoko. Mas gusto ko kasing makipaglaro ng tumbang preso sa kalye kesa ang maglaro ng gusto niyang make-up game, doll house, o kaya lutu-lutuan. Boring para sa akin iyon. Mas masaya ang patintero at luksong-baka.
Hindi rin ako mahilig magsuot ng dress at kung anu-ano pang bagay na kikay. Palagi rin lang nakapusod ang kulot kong buhok at kung hindi pa sasabihan ni mommy na magpulbos, hindi ko rin ‘yon gagawin. Palagi ngang inaaway no’n ni mommy si daddy dahil kagagawan daw ng daddy ko ‘yon kaya para akong lalaki.
Kaya naman isang malaking himala kay mommy na
