Selosan
KAMILA
Parang hindi na naubos ang pagkamangha namin ni Ate ngayong araw. Mula sa sariling eroplano, yate, hanggang sa isla na pagmamay-ari rin pala ng pamilya ni Theo ay laglag panga kami. Dati raw ay private island lang ‘to ng pamilya Figueroa pero ngayon ay may mga turista na rin dito dahil ginawa ng resort nang patayuan din ng hotel ni Kuya Khalil.
“Ang ganda! Shocks!” tili ni Ate na sinang-ayunan din ni Phoebe. Iniwan nila akong dalawa at nagkanya-kanyang kuha ng picture.
Katulad namin ay first time niya lang din daw nakarating dito.
“Oo nga, ang ganda,” anang boses na tumabi sa akin.
Paglingon ko ay nakangiting bumungad sa akin si Darius. Mukhang hindi na siya badtrip hindi kanina at nakonsensya na naman ako. Pakiramdam ko’y kagagawan ko kaya nalaglag iyong cellphone
