Into him
KAMILA
Wala kaming kibuan ni Theo sa biyahe. Alam kong mahaba-haba ang biyaheng ‘to pero mas pipilian kong mapanisan ng laway kesa makipag-usap sa kanya. Ni hindi ako interesadong tanungin kung anong pakay niya sa Tagaytay.
Bukod pa ro’n ay masakit pa din ang ulo ko. Ipinikit ko ang mga mata ko pero hindi ko magawang makatulog. Hindi ko maiwasang maisip ang nagawa ko kay Aries kaninang umaga.
Kung sinimulan na naman ako no’n, hindi malabong maulit ‘yon.
Tumunog ang cellphone ko at agad kong sinagot iyon nang makitang si Hyacinth ang tumatawag.
“Babes, morning…”
“Morning, Kams…ipapaalam ko lang sa ‘yo na madi-discharge na si Lolly, salamat talaga sa ‘yo.”
“Sus, tigilan mo ako sa kaka-thank you. Mabuti naman at makakalabas na si Lolly. Basta kapag may problema, sabihan mo
