Babe
KAMILA
“What?” iritable kong tanong kay Theo nang muli niya na naman akong pigilan sa paglabas ng kwarto.
Nagdikit ang labi niya at umiling-iling. Diskumpyado pa rin sa suot-suot ko. Hindi niya kasi masyadong nakita ‘yon kanina dahil nakaupo ako.
“You can just wear a shirt, Kamila, para komportable ka–”
“Ano bang hindi komportable dito sa suot ko?” pagmuwestra ko sa crop top ko at pantalon na suot. Buti na lang pala hindi ako nag-short dahil baka mas lalong hindi pumayag ang lalaking ‘to.
“Kakabagin ka diyan,” seryosong-seryoso ang mukhang sagot niya at tumagal ang tingin sa tiyan ko na lumalantad dahil sa pag-angat ng crop top na suot ko.
“May ointment ako,” natatawang saad ko. Hindi naman siya natawa at pinalatakan lang ako.
“Damn. I’ll change my personal shopper. I don
