"Hindi ka nga pwedeng bumalik doon!" Parang haring nakapamaywang na nakatunghay sa akin si Felan habang inaayusan ko ang sarili ko sa harap ng vanity table dito sa mismong yate na pinagdalhan niya sa'kin.
Isinuot ko iyong isa sa mga pambabae damit na halatang pinasadyang isama sa mga damit niya dito sa loob ng silid niya.
Muli na naman sana akong magtatalak tungkol sa mga pambabaeng damit na natagpuan ko kanina nang maghalungkat ako ng ipapalit sa bikini ko na sinira niya pero mabilis pa sa alas kwatrong nagpaliwanag ang loko.
Para raw talaga sa'kin ang mga damit at binili niya raw iyon nang makita niya sa internet ang suot kong bikini na ngayon ay hindi ko na alam kung saan napunta matapos mahubad sa katawan ko.
Kapani-paniwala namang para talaga sa'kin ang mga damit dahil saktong-sak
