(Endless adoration)
MAHAL siya ni Arwa. Mahal nila ang isa’t isa. Isang rebelasyon na hindi niya pa agad mapaniwalaan. Hindi niya nga magawang kumilos ng kaswal dahil tila hindi pa rin nagsi-sync in sa kanya ang katotohanang pareho sila ng nararamdaman ni Arwa. Pakiramdam niya bigla siyang nawala sa sarili. Ganoon ba talaga ang umiibig?
“Uy, kanina ka pa tulala riyan,” untag sa kanya ni Arwa. Nasa dalampasigan sila ng dagat at malayang tinatanaw ang alon. “Ano ang nangyari sa iyo?” Tinabihan siya nito at tumigil sa pagbato sa tubig.
“Wa-wala.”
“Wala raw. Kanina ka pa tahimik matapos ang love declaration ko. Bawiin ko na ba?”
“Hell, no!” Bigla siyang nag-panic. “I mean, wala ng bawian, ‘di ba?”
“Bakit ka nga ganyan? Hindi ka kumikibo, hindi mo ako kinakausap. Hindi naman ako manghuhul
