(A friend’s advice)
IT must be her worst day ever. Hindi na niya mabilang kung ilang beses na nagtagpo ang mga mata nila ni Karen at alam niyang may nais itong ipahiwatig. Abala naman sina John at Wolf sa pag-uusap kaya halos kay Karen na lang siya napapatingin. Kulang na lang ay hilahin niya ang oras upang makaalis na sa lugar na iyon.
“Arwa, how are you?” mahinang tanong sa kanya ni Karen. Hindi niya alam kung bakit sadya yatang hininaan nito ang boses. Sunod na hinawakan nito ang kamay niya. “Kumusta ka na?” Hindi pa rin ito nagbabago. Ito pa rin ang dating Karen na kilala niya.
“Karen…”
“It’s okay kung ayaw mo munang magkwento. I’m just so happy to see you.” May luhang sumungaw sa mata nito.
Bigla siyang nakaramdam ng panic. Mahigpit niyang hinawakan ang braso nito kasabay ng pa
