(First day)
NAGISING siya sa marahang paggalaw ni baby Gideon. Nakangiti lang ito sa kanya habang tila inaabot ang kamay niya. “Ma…ma.”
“Good morning, baby,” aniya. “Gutom ka na ba? Ipagtitimpla ka ni Mommy ng milk. Gusto mo?” Hinagkan niya ito sa pisngi dahilan upang lalo itong maglumikot. “Alright, ipagtitimpla kita.” Tumayo siya at tinungo ang gilid kung saan nakalagay ang mga gamit ni baby Gideon. “Wala ng hot water, baby. Mag-iinit muna ako. Sama ka?”
“Sa…ma.” Kinarga niya si Gideon.
Tiningnan niya ang suot na relo. “Maaga pa naman.” Hindi na natuloy ang dapat na celebration nila ni Sabrina dahil sa pagkatanggap niya sa trabaho. Hinayaan niyang magkaroon ito ng oras kay Miggy. Well, hindi naman siya tutol sa relasyon ng dalawa at hindi rin siya magiging hadlang. Alam niyang may gu
