(Future family)
MULA noong maging pormal na ang relasyon nila ni Lorcan ay lagi na siyang masigla sa araw-araw. Mas maganda ang gising niya sa umaga, mas lalo na ang tulog niya sa gabi. Wala na siyang mahihiling pa sa piling ni Lorcan. Kontento na siya na pagsilbihan ito bago pumasok sa trabaho at katabi ito sa pagtulog sa gabi.
Naipakilala na rin siya nito sa mga kaibigan nang pumunta sila sa bahay ni Justice. Tanging ang sinasabi nitong si Braxton ang hindi nakarating dahil sa importanteng lakad. Pakiramdam niya ay nagkaroon siya ng instant family. Nakilala niya si Liberty na asawa ni Justice. Present din si Wolf na madalas mang-asar sa iba pa. Naroon din sina Karen at Ali na sabay pang dumating mula sa trabaho. Nakatatandang kapatid pala ni Fortney si Karen at si Ali naman ay malapit
