(A sudden visit)
KANINA pa pabalik-balik sa paglakad si Mrs. Lora habang hinihintay ang asawa nitong si Mr. Oscar Monteverde sa opisina nito sa loob ng kanilang bahay. May kausap ito kaya naman kahit gusto niyang pumasok ay matiyaga siyang naghintay. Isang bigating kliyente ang kausap ng kanyang asawa.
Nang bumukas ang pinto ay nginitian siya ng lumabas. Binati niya rin ito. Mabilis siyang pumasok sa loob nang tuluyan ng makalayo ang bisita.
“Ano ang nangyari?” tanong niya sa asawang nakatuon ang pansin sa binabasang papel.
Dahan-dahan nag-angat ng tingin si Mr. Oscar saka umiling. “Maganda ang offer ngunit hindi natin kakayanin.”
“What do you mean? Paanong hindi natin kakayanin?”
“Masyadong maiksi ang pagitan ng mga delivery na kailangan nila at hindi natin kayang ibigay ang serb
