(Unexpected glance)
MAGANDA ang hotel na pinagdalhan sa kanila ng pinsan niyang si Karen. Napakalaki niyon at talaga namang kompleto ang mga kagamitan. Nagpasalamat siya sa pinsan na siyang nag-asikaso ng lahat. Nagpaalam din naman ang mag-asawa matapos nilang maipasok ang gamit nilang mag-ina.
Kailangan niyang gumawa ng hakbang. Hindi niya alam kung ano pa ang kasalukuyang kalagayan ng ama niya kaya muli siyang nakiusap kay Karen at Wolf na ilihim muna ang kanyang pag-uwi. Hindi niya gustong maalerto ang sino man lalo na ang kanyang ama.
Kailangan niyang mag-ingat lalo pa ta hindi niya kasama ang kaibigang si Sab at ang nobyo nitong si Miggy. Masisira ang pagpapanggap niya kapag natagalan pa ang huli na sundan sila kaya kailangang maayos agad ni Sab ang trabaho roon upang umuwi ng Pil
