"ERIN?" Gulat na gulat si Caleb nang humarap siya rito.
Saglit na nakalimutan ni Erin ang masakit na puwitan dahil sa pagkakabagsak nang masilayan niya ang guwapong mukha ni Caleb. Mukha na tila araw-araw na niyang pinanabikang makita.
Feeling ni Erin ay huminto sa pag-ikot ang mundo niya habang nagtititigan silang dalawa. At hayon na naman ang puso niya... ang puso niya na bigla na namang bumilis. Naramdaman na naman niya ang damdamin na nararamdaman lang niya sa tuwing nagkakaharap sila ni Caleb. O kapag sumasagi ito sa isip niya nang hindi sinasadya.
Napakurap-kurap si Erin nang pumitik si Caleb sa harapan niya. Nakatayo pa rin ito sa kasunod na baitang ng inuupuan niya. May pagtataka at pag-aalala sa mukha. "What are you doing there?"
Nahihiyang nagbawi ng tingin si Erin. "N-nagpa
