NAPAKUNOT-NOO si Erin nang sa pagsilip niya sa bintana ng kaniyang kuwarto ay nakita niyang nakaparada ang kotse ni Caleb sa tapat ng kanilang gate. Hinintay niyang bumaba ito mula roon. Pero lumipas ang ilang minuto na kahit ang anino nito ay hindi niya nakita.
Nag-alala tuloy ang dalaga. Alam kasi niya na kapag matagal bago bumaba ng sasakyan si Caleb ay may malalim itong iniisip.
Ano ang ginagawa niya rito sa ganitong alas diyes na ng gabi? At saka kakahiwalay lang namin kaninang hapon, ah.
Ilang araw nang nagsimula ang kanilang semestral break. Pero hindi ibig sabihin niyon ay naputol na ang komunikasyon nila ng nobyo. Araw-araw pa rin itong dumadalaw sa kanila na buong-puso pa ring tinatanggap ng kaniyang mga magulang. Parang totoong bahagi na nga ito ng pamilya. Dahil lalo pa ito
