"ANG ganda rito!" Niyakap ko pa ang sarili ko dahil sa lamig ng hangin humahampas sa katawan ko. Kahit may suot na akong jacket ay nararamdaman ko pa rin ang lamig lalo na kapag ganitong oras.
"Sweetheart!" tawag sa akin ni Rafael.
Nakangiti na ako habang papalapit siya sa akin.
"Bakit?"
Kumunot ang noo niya habang nakatingin siya. "Ang lamig dito sa labas bakit mag-isa ka rito?" Sinuklay niya ang strand ng buhok kong nagulo ng hangin.
"Hindi ko lang maiwasan na hindi pagmasdan ang paligid sobrang ganda. Tingnan mo ang araw na malapit ng lumitaw. Ang ganda niyang pagmasdan, matatanaw mo rin ang mga bundok." Pumikit ako nang maramdaman ko ang hangin na dumampi sa mukha.
Nasa isang bahay bakasyunan kami rito sa tagaytay at ang nagmamay-ari ng lugar na ito ay si Rafael. Nang malaman k
