PARA akong nanigas matapos kong marinig ang sinabi sa akin ni Steven.
"Let's talk later," bulong ulit ni Steven.
Umalis siya pagkakayuko at matamis na ngumiti sa akin. Hindi niya alintana kung maraming nakatingin sa amin. Binaling ni Steven ang tingin sa kasama nito na matandang lalaki. Naintindihan naman agad ito ng matanda kaya sinimulan na niyang sabihin sa amin ang dahilan kaya si Belinda ang napili niya para mag-model ng produkto ng kumpanya niya. Habang nasa kalagitnaan kami ng pag-uusap ay biglang tumayo si Rafael. Halos lahat kami ay lumingon kay Rafael
"Hindi ako papayag na kuhanan siya ng nakasuot ng bikini!" reklamo ni Rafael.
"Rafael, parte ng pagiging model ni Belinda ang magpa-sexy," sabat ni Teroy
Tumango si Rafael. "Ako ang asawa niya kaya susundin niya ang gusto ko!"
