"ILANG-BESES ko ng sinipat ang wall clock ko sa loob ng silid ko ngunit hanggang ngayon ay hindi pa rin ako dalawin ng antok. Ilang araw na mula nang um-attend kami sa kasal ng kapatid ni Rafael, pero hanggang ngayon ay bumabalik sa alaala ko ang huling pag-uusap namin.
"Natatandaan niya ang tattoo ko sa batok." Sa tuwing iniisip ko kung paano niya ako titigan ay nawawala ako sa sarili ko, para akong hindi makapag-isip ng matino.
Kinapa ko ang dibdib ko. "Hanggang ngayon ikaw pa rin ang laman nito." Huminga ako ng malalim pagkatapos ay bumangon ako para uminom ng alak. Nagagawa ko na ulit uminom ng alak dahil tapos na ang practice namin sa graduation.
Kumuha ako ng alak sa aparador at saka pumunta sa terrace ng inuupahan namin bahay ni Steven.
"Bella?"
Hindi ko inaasahan na makikita
