"ONE week na!"
Sumimangot ako. "Ano naman kung one week?" Sinimsim ko pa ang orange juice ko.
"Wala ka bang balak kausapin si Rafael? Maawa ka naman sa asawa mo."
"Hayaan mo nga siya!"
Umiling si Thesa. "Ano ba ang dapat gawin niya para mapatawad mo siya? Wala naman siyang kasalanan. Hindi naman siya pumatol kay Jane."
"Hindi siya pumatol pero hindi niya pinigilan. Nakakainis! Paano ako kakalma nito kung lagi kong iniisip na baka sa tuwing magkikita sila gumagawa sila ng milagro. Mukhang linta pa naman ang babae na 'yon." Hindi ko napigilan ang sumimangot.
"Alam mo kung ako sa iyo ilabas mo ang nararamdaman mong galit."
Seryoso akong tumingin sa kanya. "Paano?"
Nilapit ni Thesa ang mukha niya sa akin. "Birthday ng pinsan at alam mo ba na inarkila nila ang Parkillar disco bar ng is
