"Bakit natatakot ka ba sa sinasabi mong human robot? Akala ko ba ay kilalang napakatapang ng isang Sabrina Elyse?" Itinukod nito ang isang kamay nito sa may hagdanan ng loft bed nito na nasa tagiliran niya banda. Nakulong siya sa pagitan ng braso at pader. Yumuko pa ang mukha nito malapit sa mukha niya. At ang unang pumasok sa isip ni Sabie ay ang kumaripas ng takbo. Pero paano niya magagawa 'yon kung nakaharang nga sa kaniya si Apollo?
"Bakit naman ako matatakot sa 'yo?" Wala na siyang choice kung kaya ay hindi na lamang niya ito inatrasan pa. Matutuwa ang robot na ito kapag nakikita siya nitong kinakabahan at ayaw niyang payagan iyon.
"Hindi ba?" He even stepped closer to her. Napalunok siya ng lihim nang bahagyang kumiskis ang katawan ni Apollo sa kaniyang katawan. Hindi niya alam kun
