Nanlamig ang mga kamay ni Aevia habang minamasdan ang mga paintings sa basement ng malaking mansiyon. Pakiramdam niya ay nanalamin lang siya. Kamukhang-kamukha niya si Antonina. Kung hindi dahil sa suot nitong lumang estilo ng pananamit ay iisipin niyang baka siya talaga iyon.
Nasa basement lang pala ang isang piraso ng jigsaw puzzle na pinipilit niyang buuin. Binigyan na pala siya ng clue sa mga panaginip niya.
Lumapit siya sa isang painting kung saan nakasuot ng traje de boda si Antonina. Nakatawa ito sa larawan at nakatingala kay Señor Lucas Savatierre habang ang huli ay sa nagpipinta nakatingin. Para tuloy itong nakatitig sa kanya ngayon. Nakasuot ng black organza barong tagalog ang lalaki at nakayakap ang isang braso nito sa esposa.
Minasdan niyang maigi si Lucas. Kaakit-akit ito a
