CHAPTER 8
Matapos ng naging pag-uusap nila ni Zandro ay humingi si Cara ng appoinment sa RnJ Services nang sumunod na araw. Nais niyang makausap ang isa sa mga empleyado nito tungkol sa nais niyang mangyari sa kanilang kontrata.
Isa sa mga tinatawag na Council of Gigolo ng RnJ Services ang naka-schedule niyang kausapin nang araw na iyon--- si Council Xean. Ayon sa impormasyon na nakuha niya ay ito ang head ng Legal Department ng RnJ. At ito ang kailangan niyang makausap hinggil sa kanyang pakay.
Pinili nito na makipagkita sa kanya sa isa sa mga sikat na coffee shop sa Kamaynilaan, ang Café Viaje del Cielo. Kung tutuusin ay mas convenient iyon sa kanya dahil malapit lamang sa Monteras Travel Agency ang naturang lugar.
Pagkaparada sa harap ng cafeteria ay agad na siyang pumasok sa loob n
