"Clarisse, halika!" malakas na tawag sa kaniya ni Nicholai kaya agad naman siyang lumapit sa kinaroroonan ng mga ito.
"Bakit? May kailangan ka ba?" tamad niyang tanong sa lalaking parasite sa buhay niya.
"Puwede bang saluhan mo kaming kumain dito? Hindi na kasi namin kayang ubusin 'tong mga in-order ko, eh." Ipinaghila pa siya nito ng upuan. "Umupo ka na. Sayang naman kasi kung itatapon namin 'tong mga pagkain samantalang ang daming nagugutom ngayon."
"Eh, 'di ba nga gusto mong magpasikat diyan sa ka-date mo para masabing galanti ka? Ubusin niyo 'yan dahil kung hindi hahampasin ko 'yang ulo mo nitong tray na hawak-hawak ko." Wala siyang pakialam kahit naririnig pa siya ng ka-date nitong matanda.
"Huwag mo naman akong ipahiya rito sa ka-date ko. Pambihira! Huwag ka munang magalit. Sak
