"Baby! Ikaw nga! Ano'ng ginagawa mo rito! Ang sabi mo may sakit ka kaya hindi natuloy ang date natin kagabi?"
Napalingon silang dalawa ni Clarisse sa babaeng nagsalita. Nagsalubong ang mga kilay niya dahil hindi niya ito kilala.
Siya ba ang tinatawag nito o ibang tao? Napalingon siya sa paligid dahil baka nagkakamali lang siya pero nang ibalik niya ang tingin sa babae ay sa kaniya talaga nakatuon ang mga mata nito.
"Sino naman 'yan, Nicholai?" pabulong na wika sa kaniya ni Clarisse.
"Hindi ko alam."
"Paanong hindi mo alam, eh, tinawag ka ngang baby?"
"Ewan ko sa kaniya. Anong malay ko riyan?" Ang lakas ng boses ng babae kaya ang ilan tuloy ay hindi napigilan na hindi mag-usisa.
"Baby ko! Goodness! Dito lang pala kita makikita, eh," excited nitong sabi kaya bigla siyang dinagsa ng ka
