"Clarisse, may gagawin ka ba ngayon?" patalon na tanong ni Nicholai na medyo may kalakasan ang tinig kaya nagulat siya.
Bahagya tuloy siyang napaso ng iniinom niyang kape dahil hindi niya inaasahan na basta na lamang itong lilitaw ng ganitong oras kung saan tahimik siyang nag-aalmusal.
"Wah! Wah!" sigaw pa nito na parang tanga kaya tiningnan niya ito ng walang ekspresyon ang kaniyang mukha.
"Ano'ng nangyayari?"
"May sunog ba?"
Ang mga kasambahay tuloy nila na medyo may edad na ay sabay-sabay na lumabas mula sa mga kuwarto nito.
Halatang naalimpungatan ang dalawa dahil sa pagsigaw ng hayop na Nicholai na 'to na walang ibang ginawa kung hindi ang perhuwisyuhin ang buhay ng mga taong nananahimik.
Kung hindi lang talaga masamang magsayang ng grasya ay kanina niya pa sana ibinuhos ang k
