KABANATA 12
“GO DALEEE!” BUONG lakas na sigaw ni Ravia.
Nasa gitnang bahagi ng bleachers sina Ravia, Andrei, Phia, at ilan sa mga kaibigan nila para suportahan ang laro ni Adale sa soccer. Mahalagang laro ito para kay Adale lalo pa at huling laro na ito ng binata bilang atleta ng unibersidad.
Sinamahan ni Ravia noong nakaraang araw ang kaibigang si Adale para sabihin sa mga magulang nito na sana makadalo ang mga ito sa laro nito. Sa totoo lang, masaya siya na dumating ang ina nito pero may lungkot din na nadarama dahil hindi talaga pumunta ang ama nitong si Marco.
May hawak silang malaking banner para ipagsigawan ang suporta nila rito. Bilang kaibigan, iyon na lang ang kaniyang naisip na magandang gawin para gumaan ang pakiramdam nito. Kanina pa niya napapansin na wala ito sa wisyo. H
