JOSEPHINE
“Mama…I miss you so much po,” mahigpit ko siyang niyakap tila ba kapag binitiwan ko si Mama, ay p'wede siya ulit mawala sa akin. Animo bang hindi na ulit siya magpapakita sa akin kung niluwagan ko ang yakap ko sa kaniya.
Bumuhos ang saya sa dibdib ko ng maramdaman kong pabalik akong niyakap ni Mama. Wala ng sasaya ang sandaling iyon sa akin, dahil muli kong nararamdaman ang init ng haplos niya– katulad noong maliit pa ako. Napangiti pa ako ng halikan niya ako sa buhok ko.
Bumalik na ang Mama ko. Ganito palagi ang ginagawa niya sa tuwing iiyak ako. Hahalikan lang ako sa ulo ko, tatahan na ako.
Kumalas ako ng pagkayakap sa kaniya upang pagmasdan siya. Matagal din na taon hindi ko ito nagawa. Nakangiti lang ako habang sinusulyapan siya. “Mama, hinahanap n'yo po ba ako, kaya ka n
