ساره : مفيش بس قومي معايا حالا
ملك بإستغراب : علي فين !؟
ساره : هنروحله المكتب بتاعه
ملك بإستغراب : ليه
ساره : عشان تعترفيله
ملك : اعترف بإيه
ساره : انك بتحبيه انتي كمان وموافقه عليه
ملك : انتي أكيد اتجننتي أنا لا يمكن أعمل حاجه زي دي
ساره : خلاص خليكي قاعده مكانك وانا هروح اقوله انا
ملك : ساره أوعي تعملي حاجه زي دي بجد هيبقي اخر كلام بيني وبينك
ساره : خلاص روحي انتي واتكلمي وانا مش هفتح بقي بكلمه
ملك : لااا انتي مش طبيعيه خالص انهارده انتي عارفه لو عملت كده ممكن يقول عليا ايه وبعدين الكلام ده عيب وحرام وانا لا يمكن اعمل حاجه زي دي
ساره : الحب لا هو عيب ولا حرام هو انا قولتلك روحي قوليله تعالا اتجوزني الوقتي اهو انتي بس هتديه فرصه يعبر لك عن مشاعره تخليه يحس انك انتي كمان موافقه عليه عشان يتقدملك بدل ما هو خايف منك بسبب انك بتصديه كل مره
ملك : لا لا أنا لا يمكن أعمل حاجه زي
