البارت الثاني

2693 Words

رواية جنون الحب الجامعي # أمير احمد _______________________________________ اثاري الدرب هم چذّاب ، مايرجع بعد بيكم . _______________________________________ ريماس : وصلنا للاقسام نزلنا و نزلت جنطه مالتي و جنطة الاكل حضنت همام حه اشتاقلك همام : و إني أكثر بس اريدج احلى صيدلانيه تتخرجين ايام و نسعي بالنقل ان شاء الله انحصله لو ادفع نص عمري ريماس : اسم الله بعدين حضنت عمو رحمن و بعد بابا اهنا ما تحملت راستا بجيت و هو هم حسيته هم كريم : يا قلب ابوج و عقله و كل حياته كافي بجي ريماس : و حتى انت تبجي بابا لا تعوفني عفيه كريم : لا باباتي لازم مستقبلج باجر عكبه لا اني دايم و لا امج ريماس : حضنته ما أريد أريدك بس انت كوه فاركت بابا دخلتني ماما و خاله للقسم رحت للغرفه اني بيها همات ودعتهم وداع مو اقل من وداع بابا راحوا و اخذو كل سعادتي وياهم اكو بنات حبابات اجتي يمي لان شافني انهاريت بجي وداد : حبي كافي بجي هي الأيام الأولى صعبه هسه تتعودين ريماس : لليل يله صرت زينه حضرت ملابسي كانت وياي بالغرفه بنيه من القانون و وحده تربية رياضيه بس و لا يحجن وياي خابرت ماما ألوو مام ام ريماس : ها ماماتي اشلونج ريماس : مام ما متعوده على الوضع ام ريماس : ماما تتعودين و لا احنا متعودين نفاركج بلكي ابوج يسويلج واسطه و يجيبج البغداد ريماس : الله كريم مام بيباي نمت و هنه بس يخابرن اني وين أجيت يله احتمال صديقتها كل تفكيري بابو عيون الله همات ينعاد اليوم و اشوفك الله هيج اني محظوظه _______________________________________ ابراهيم : وصلت للشقه بالليل و حضرت ملابسي و بعدين سويتلي عشه و سويتلي كم تمرين رياضي و سبحت و نمت صبح عدنا استقبال اليوم المرحلة الأولى وصانا العميد نلبس قوط لبست قاط رصاصي غامق و ارباط احمر و عدلت شعري و مزين لحيتي بس شوارب ابقيهن طلعت من الشقه توفيق : هاي شطالع ابراهيم : مرتب لو تيل مال كهرباء توفيق : وحق جهالي تشكك ايمان : صباح الخير دكتور إبراهيم إبراهيم : اهلا دكتورة ايمان صباح النور توفيق : البارحة شسويت بيه خلتني اكوي الملابس ايمان : انت ما تمشي عدل ابراهيم : إذا هيج حقه الدكتورة تعاقبك تستاهل نزلنا و شغلت سيارتي و توجهت للكلية الشقة قريبه على الكلية ١٠ دقايق وصلنا و الوهسه مثل ما توقعت ناس جاره طول و ناس جاره عرض _______________________________________ ريماس : كعدت من الصبح اصلا ما نمت لان اخاف و مو نفس فراشي بدلت بالحمام لبست جينز رصاصي و بلوز ابيض و شال و حذاء و جنطه ماروني و خليت مكياج ماروني بس ركزت على الحمره و خليت الشال هيج مخربط ما لفيته و سويت و رفعت شعري بف لبسي قصير مقارنة بالبنات و شالي شعليه خلي ايصفنن لبست ساعة بابا و سواره و محبس ماما و كفيت الجينز و رشيت العطر سبحت بي بحيث اول مره احس اكو تغير بين الكلية و الاعدادية و فرحانه حيل أخذت صورة و دزيتها الماما و طلعت اتمشه اروح للكلية هاي ماماي ام ريماس : يمه حبيبتي الله يبعدج عن العين كيكه طالعه ريماس : ماماه حيل مشتاقتلكم والله بابا وين كريم : مو كولتلج بابا وين يعني لا تلزكين بالموبايل ريماس : كود مورنك كرومي يا احلى اب بالدنيا حيل اشتاقيتلك مو شويه حيل حيل كريم : رموسة كلبي محترك عليج والله بابا مثل ما اوصيج دير بالج على نفسك بتي أريد ارفع راسي بيج ريماس : حبيبي و عيوني انت تدلل سلمت عليهم و رحت وصلت للكلية و شفت ولد لابس نفس لبسي وياه رباط احمر و حذاء اسود شعليه كلمن و حريته الشخصيه رحت على بنيه ا**كيوزمي ( من فضلك) بس اني مرحلة أولى وين اروح الطالبة : انتي من وين ريماس : من العراق شي اكيد الطالبة : اشبيج احجي عدل ريماس : ث** نماذج ما ينحجي وياها كعدت على المصطبه فكرت اروح للتسجيل اي احسن شي رحت للموظف مرحبا اني مرحله أولى وين اروح باي قاعة الموظف : اهلا و سهلا قاعة رقم واحد بس تنزلين تلكيها ريماس : هذا اشبي يباوع بديت اتندم صدوك هنه كولهن عبي او جبه و إني هيج لابسه بس اني مستحيل اغير لبسي نزلت للقاعة دخلت للقاعة و اشويه و ردت اوكع من طولي صار بوجهي ابو عيون شفته الله حاولت اسوي نفسي طبيعيه حرارتي صعدت و احس اللساني انربط ابراهيم : مرحلة أولى ريماس : هزيت راسي ابراهيم : تفضلي ريماس : كعدت على الكرسي اجه ولد كعد يمي حسيت نفسي ما ماخذه راحتي لان كل شويه رجله اطخ برجلي اشبي كبر شديحس توفيق : لو سمحت ابني حول على غير مكان خلي البنيه تأخذ راحتها رافد : ليش دكتور مضايقك توفيق : كاعد اكلك تفضل بغير مكان ابراهيم : شنو سبب الخلاف توفيق : مضايق البنيه عاف المكانات كلها و كعد يمها ابراهيم : شسمج بابا ريماس : بعينك بابا (بكلبي ريماس ابراهيم : تفضلي يم ذيج البنيه رافد : هههههااياله ابراهيم : انت ألزم حدك لا احيلك مجلس انضباط رافد : دكتور شمسوي كعدت يمها ليكول خطفتها توفيق : لو كاعد مثل الناس ما انتبه عليك رافد : اعتذر ريماس : كعدت يم بنيه مرحبا رند : اهلا ريماس : عادي تعرفيني رند : رند من بغداد ريماس : وااااي حياتي و اخيرا لكيت وحده من بغداد هههههه اني ريماس همات من بغداد رند : اهلا و سهلا تدرين عبالي بس اني من بغداد بس الحمد لله لكيت وحده ريماس : لو تدرين هسه اني شكد فرحانه اجه العميد و اطانه محاضره تعريفيه و عرفنا بالاساتذه منهم دكتور إبراهيم اسم على مسمه يموت رند شوفي رند : لج يالله شوفي رافد حيل اكيوت بجينن ريماس : عيع فد واحد اصلا ميستحي شوفي الجمال رند : يااااا انتي من النوع ليحب العجايز ريماس : وينه عجوز والله مرتب حيل رند : كل واحد جهاله بطوله اني وياج و شوفي ريماس : اسم الله الله لا يكولها كملنا بعدين مسوين مؤدبه النا و قسمونا كروبات العملي حظي ويه هذا الزفت رافد خلص دوامنا و رجعت للقسم نسرين : كومي عيني ساعدينا بس حايره تتكشخين ريماس : ما اكل ليش حتى اساعدج نسرين : بعد احسن خفة و راحه ريماس : اشلون نماذج بدلت بالحمام رؤى : اشبينا ما تبدلين بالغرفه كدامج ولد ريماس : لا كل إنسان فري ( حر بحياته رجاءا ما احب تدخل نسرين : عوفيها شايفه نفسها ايام و ين**ر خشمها ريماس : رحت للمطبخ كنت حاطه كل الاكل بالثلاجة الجايبي إليه لكيته نصه طاير و قسم ذابي بالزبالة شهل خباثه رحت المرشدة ست تقبلين هيج ايصير وياج اكلي كوله ذابي بالزبالة ليش اني شنو ذنبي المرشد : كالوا البنات انتي كلتلهم ذبي ريماس : ست اشوكت لحكت اكول الهم شنو هل ناس اني وين أجيت همزين ماما علمتني وين اضم الفلوس و الذهب لو بالاحذية لو بحافظة الموبايل سويتلي معكرونه سلك كوه جرعتها وينج مام شوفي حالي اكلت اشلون مجان رجعت للكنتور المفاتيح بيدي اقفله كمت اخلي كلشي بي مر يومين و إني لعبانه نفسي مو حياتي ابدا اتي بت دلال و ثالث اخذتني نومه فزيت ب ٨ عزه محد موجود صخام حتبدي راح تبدي المحاضرة لبست بلوز زيتوني و جينز ابيض و كلبته و خليت مكياج و شال اسود و طلعت منه بف و حذاء سوده و جنطه سوده خليت مكياج برونزي يلوك صارت تسعه الا ربع رحت اتمشه للقاعة _______________________________________ ابراهيم : حياتي بين الشقة و الدوام مرات اسأل على رفيف وين صارت تبقه مرتي النفسي بيها و عندي امل ترجع إليه اليوم محاضرتي الأولى ويه المرحله الأولى لبست بلوز نيلي و بنطلون اسود و رباط رصاصي و جوه قميص ابيض طلعت بدت محاضرتي التعريفيه ويه الطلاب كروب A اشلونكم طلاب اني دكتور إبراهيم أحمد ماخذ دكتوراة صيدلة قسم الصيدلة مجال متنوع يمزج بين الطب و الطب أسنان و أيضا التحليلات المرضيه اعيد و أكرر ترحيبي بوجودكم و خلي اطيكم شنو أساسيات حياتي و سياستي معاكم خلال دراستنا راح اخذكم اني human biology هاي المادة تشبه مادة الأحياء بالثانوية بس الاختلاف احنا راح ندرس بشكل موسع اجهزة جسم الإنسان ميكانيكية عملها تركيبها الأجزاء الموجوده بيها اندك الباب اتفضل ريماس : دكتور اسفه صخام الصخمج يا ريماس اشلون ورطه ابراهيم : كروب A ريماس : نعم ابراهيم : محاضرتكم بيش الساعة ريماس : ٨ و نص ابراهيم : و هسه بيش ريماس : ب٩ اشويه و كلبي يطلع ابراهيم : تفضلي و آخر المحاضرة نتفاهم كعدت سمع طلاب الكلام موجه الكم و الزميلتكم اي طالب يدخل للقاعة بعدي ما يتسجل حضور و يحرم من المحاضره اليوم سماح لان اول محاضرة ثانيا بالنسبة للجادل تقليل الأدب مع الدكتور سواء ولد او بنيه ينحال لجنة انضباط و إني عضو بيها الأفضل كل شخص يلتزم حده احمد السجاج : دكتور بالنسبة للأسئلة اشلون تجي ابراهيم : شسمك ابني احمد : احمد ابراهيم : احمد الأسئلة اني اسالتي على فهم الطالب مو من الملازم الطالب اشوفه منتبه وياي بالمحاضرة لو لا خلالها احدد مستوى الطالب ريماس : بقه يحجي ويانا و بعدين خلصت سجلو الطلاب حضور ردت اطلع ابراهيم : سجلتي حضور ريماس : سوري دكتور نسيت طلعو الطلاب ابراهيم : ريماس مو ريماس : اي ابراهيم : لبسج مو قانوني حاولي تغيري لان اذا صارت عليج بونص بالكلية بعد ما ادوامين ريماس : اشبيها الناس شعلي بيه دكتور اني لبسي جزء من البيرسنالتي ( الشخصية مالتي معناها إذا اغيره اغير شخصيتي و إني مستحيل اغير شخصيتي ابراهيم : براحتج بس اذا بيوم تاذيتي بالكلية اذكري كلامي كنصيحة اب لبنته ريماس : شكرا دكتور ابراهيم : و رجاءا تأخير على المحاضره ما أريد ريماس : اوكي اشكد دقيق محلو هيج شخص طلعت لكيت رند تنتظرني رند : ها حبيب الكلب اختليتي وياه ريماس : اني اكول منو مخلي عينه اصلا هو شفتي حقنه كولش دقيق دكتور ديتول رند : والله لو شايفه نفسج من دخلتي صرتي حمره هههههه ريماس : حيل معجبه بي كولش والله رافد : بنات اشلونكم اليوم عدنا عملي رند : تمام و انت اي على ما اعتقد رافد : الحمد اشبيج ما اجاوبين ريماس : رند انتظرج اهناك رافد : اني اعلمج إذا ما اخليج تبوسين القندرة اطلع مو رافد شايفه روحها بت الكلب رند : شحجيت سمعت كلمة بت الكلب بس رافد : ههه ما اكو شي اترخص ريماس : اشكد لزكه كبر رند : الولد حباب و كيوت بنات الكلية ميتات عليه ريماس : رند هذا مثل طارق اخويه سيارة أحدث شي و ملابسه و كل يوم ويه بنيه اعرف هاي النماذج مشوفين ما اطي مجال اصير اله مثل قوطية الببسي الباردة بس تحتر يذبها بالزباله و يشتري غيرها رند : اي هو صدوك عينه زايغه لج يكلج ابو عقيد ركن و هو وحيده على ٤ بنات ريماس : اني همات بابا لواء و وحيدة اهلي بس ما اسوي مثله مرت الايام و يوم عن يوم كمت أعجب ببراهيم أكثر تعلقت بي كولش و باليوم العندي محاضرة ابراهيم اطلع غير شكل بحيث اللبس احضره قبل اسبوع و مكياج و اهتميت كولش بالمادة مالته بحيث وره كل محاضره أسأله و استفسر منه هو يحب الطالب اليسال و رافد بقه يضوجني بس ما حجيت الاهلي خاف جدو يبطلني جنت كل أسبوع انزل الاهلي بخط مال طالبات لو همام يجي ياخذني او واحد من ولد عمو مر شهر على دوامي بالكلية رند : اكولج إذا هيج تحبين دكتور ابراهيم صارحي ريماس : مستحيل ياخذ عليه نظره محلوه رند : هسه ياخذله وحده من مرحلتنا و عود ابقي تندمي و ابجي ريماس : ليش هو ممزوج رند : ذاك اليوم رافد بقه يحجي وياه و العرفتها هو ما مزوج ريماس : يعني هيج تكولين رند : والله يمكن حتى يحبج وين لاكيها ازغيره بكد بته و هم حلوه انت كتبيله رسائل و شوفي شيكول ريماس : بقت الفكرة براسي طبعا يوميه اخابر ماما و نريمان و عائلتي كولها بس ما كدرت افتح موضوع ويه نريمان و استشيرها مشيت وره كلبي و هذا الوكعني بغلط جبير معاملة بنات القسم وياي زفت بس مضطره ابقه ما عندي غير مكان وصلت بيه ابطل من الكلية بس من كد ما تعلقت بابراهيم ما كدرت اعوفها هو جان كولشي بالنسبة إليه كاعده على الموبايل اجتني رسالة رافد : سمعي ريماس هذا تحذير اخير الج تصيرين حبيبتي لو اراويج الوجه الثاني و اوعدج اغركج فلوس و هدايا و طلعات ريماس : و إني مو سلعه حتى تشتريني بفلوس انتبه زين اني ما مخلين سعر عليه حتى تكدر بفلوسك تحصلني و إذا ما بطلت مني والله اشتكي عليك داخل الكلية و اخليهم يفصلوك دزيت الرسالة و حظرته اشكد ميستحي اجتني رسالة من رقم ثاني رافد : و حق الله الفوكج و الفوكي الا اندمج أكثر من شعر راسج و اخليج مثل الكرته تجين إليه و مو بس تجين إليه حتى تسلميني نفسج بسيطه الايام بيناتنا و انتي البديتي ريماس : ما جاوبت و حظرته شيسوي يسوي بس بوخه بديت اكتب رسائل لإبراهيم و اخليهن على المكتب مالته او بغرفته لمن اروح اسأله بدون ما اخلي ينتبه احير شنو اكتب اله بالانكليزي _______________________________________ ابراهيم : بدت تدريسي للمرحلة الأولى و اكو طلاب حيل عجبني حبهم للمادة و منهم احمد و يوسف و ريماس و نازك اهواي يسألون و يحاولون يتعرفون على المادة بشكل أدق و تفاصيل أوسع كنت ما انزل الاهلي لان عندي مرحلة أولى و مختبر و مرحلة ثالثة صار عليه ضغط بشكل مكثف بالإضافة متعود امتحنهم كوزات و اشوف مستواهم العلمي بآخر فترة كامت تجيني رسائل سخيفه جدا و إني وحدي روحي طافره من الحب و تجيني رسائل غراميه في قمة السخافه اجتمعت ويه الطلبة و اطيتهم محاضرتهم و طلعت كلت انتبه هل مره اجتي ريماس سألتني كم سال بعدين يوسف و احمد و راحو شفت رسالة موجودة شكيت بريماس بس خاف اظلمها تصرفاتها طبيعية رجعت للبيت اصحح الأوراق الكوز مال مختبر ما شفت خط يشبه خط الرسالة لو اعرف منو يدز الا اندمه على كل حرف كتبه _______________________________________ ريماس : كتبت اله حوالي ١٠ رسائل كانت عدنه محاضره ويه كروب بي B دخلت الغرفته ما كان قافلها خليت الرسالة رافد : هااااي اني اكول ما تباوعين بوجهي لكيتلج شايب و عنده فلوس بس لو يعبرج هم اكول ميخالف ريماس : انت شعليك و بعجين أجيت اسأل الدكتور و اروح لكيته ما اكو رافد : خلي نقره الرسالة ريماس : اي رساله رافد : رسائل غرامج ويه دكتور إبراهيم ما ادري شايفه بي شو شايب رجله و الشيب تارس راسه و ما خلصان منج ريماس : رافد وخر مني احسن الك رافد : اخر كلام اكوله تجين وياي لو تبقين و شايب العجوز ريماس : لو يصبوك ذهب انتت شايف شكلك بالمرايا مثل التيل الكهرباء وجهك مثل الاوتي و فقره الادق اني ما افكر بواحد زعطوط و طفل مكيف بهل الشوارب المطلعن خليهن الك انت و الجاهل سوه بس بوخه رافد : سكتتتت لج اني اعلمج هذا البوخه شيسوي استفزتني بت النعال بس اذا ما اعلمها منو اني اتصلت برند رند رند : ها رافد اشلونك رافد : تعالي رايدج رند : تمام رافد : يم الكافتيريا انتظرج باي التقيت بيها رند أريد مساعدتج رند :تفضل بيش اساعدك رافد : أريد كل صورة تخص صديقتج الطايح حظها رند : شسوي بيهن رافد رافد : معليج شسوي بيهن تطيني اياهن لو لا و إذا صار البالي اجي اخطبج و هذا وعد رجال و على هل شارب رند :افكر رافد رافد : بلا ما تفكرين و هاي حسابهن إذا ما خطبتج اطيج مليونين حق اتعابج وياي رند : متفقين بس اكيد تخطبني رافد : و عيونج الحلوه اصلا انتي احلى منها بالف مره بس هي قلدت على شكلي و تكلي بوحه أريد اعلمها اني افكر ازوج وحده ام زلم اني اريد وحده مثلج اصير ام بيتي رند : خجلتني رافد : دزلتلي صورها و كمت اصورها بكل مكان هي بي و اصور الاسمه ابراهيم اني ما احب اي بنيه لان منتظر بت عمي تخلص سادس و ازوجها عندي البنيه شهر شهرين بالاكثر ٤ اتونس وياها و اعوفها تحير بروحها محد جبرها تحبني رحت الواحد محترف بالفوتوشوب هاك ألزم ذني الصور أريد تخليهن ويه ذني و اريدك ذني الفديوات تدمجهن بحيث ما يبين شي أريده اصلي تعرف شنو اصلي و اشكد تطلب اني وياك من الورقه للدفتر ما اوصير بعد سرمد سرمد : تامر يزعيم راح ما تميز بين الأصلي و الفوتوشوب رافد : كفو منك سرمودي سألت على أصلها طلعت من عشيره متعصبه و اجتي نهايتج يا الحيه راح اراويج البوخه شيسوي بقه اسبوع يشتغل بي و مجبور اتحمل ازعاج رند و اجذب عليها احبج و من هذا الحجي قبل الامتحانات بأسبوع كملت الفديوات اخذ مني بوكتها ٦ أوراق على الفيديو بس طبق الأصل ما تميز بين الصدكي و الجذبي كدرت احصل رقم جدها و عمها لان يشتغلون بالشورجة و أخذت أرقام الدكاتره مال مرحلتنا من الممثل و رقم العميد و الخطوه الاخيره اخذت رقم وهمي مو بسمي سجلوا هم ذبيت كومه فلوس اهم شي انتي توكعين و دزيت الكل واحد هذني الفديوات و الطلاب مرحلتنا كلهم كلت خلي تنفضح بالكلية يله ادزه الاهلها...............

Free reading for new users

Scan code to download app

App Store Google Play

Facebookexpand_more