البارت الاول

2080 Words

رواية جنون الحب الجامعي # أمير احمد _______________________________________ - يگلها : چنتـي أبالي من سألوني عالگهوة وگلت حِلـوة ♥️? _______________________________________ ابراهيم : عمري الحالي ٤٠ شكلي طولي ١٧٨ وزني ٧٠ ابيض لون عيوني اسود مائل للرصاصي جسمي معضل بس بشكل معقول من بداية و إني ما اشوف غير عائلتي و دراستي تخرجت من كلية الصيدلة مستنصريه و بسبب عشقي للدراسه قررت اكمل دراسات عليا بعد ما تعينت بالمستشفى كملت ماجستير و أخذت قسم إداري بالمستشفى أثناء دوامي تعرفت على رفيف دكتورة اختصاص نسائي و توليد صارت هي ثالث اهتماماتي بالنسبة إليه او بكلمة أدق نسيت عائلتي و دراستي من تعرفت عليها تقدمت الها و ازوجت و إني عمري ٣٠ بس قدرة الله فوك قدرة اي طبيب الله ما رزقنا باطفال سنتين انحاول و ما صار قررت اكمل دراستي و أخذت الدكتوراه بنفس اختصاصي ترقية و صرت ادرس بكلية الصيدلة خلال هل فترة اني و رفيف زادت مشاكلنا يوم من الايام رجعت للبيت كنت بيت مستقل اني و رفيف عن اهلي و تصميم اغلبه زجاج و مخلي مظلات لان اغار على زوجتي و حبيبتي و موفر الها كلشي تحبه رفيف جانت أكثر شي اهتم بي دخلت للبيت تقريبا ب ٣ ونص ازدحامات رفيف : حبيبي الله يعينك إبراهيم : حضنتها اني من اشوفج انسه التعب رفيف : ارتاح حبيبي بين ما احضر الغده ابراهيم : طبختي على نفس طريقتي رفيف : اي برهوم نفس العلمتني عليه ابراهيم : دخلت سبحت و بعدين تغدينا و كعدنا بغرفة الكعده رفيف : إبراهيم عندي موضوع وياك ابراهيم : حياتي و قلبي تفضلي رفيف : ابراهيم اني مقدره حبك إليه و احبك هم بس ما أريد انحرم من الامومه اني كل الفحوصات و من خلال دراستي اني ما بيه شي فحوصاتي سليمه بس انت كل ما اكلك تحلل تأجلها ابراهيم : رفيف رجعنا لهذا الموضوع رجاءا سدي رفيف : ابراهيم إذا اليوم ما سويت التحليل باجر اروح الاهلي خلص ما أكدر اتحمل هاي الحياة شوف بيتنا اشكد كايب لا صوت طفل ???? ابراهيم : رفيف اهدئي حبيبتي ما احب اشوف ادموعج هاي عزيزات عليه اني مثلج بس هو شي بيد الله سبحانه اكو اهواي ناس انتظروا و الله رزقهم رفيف : ابراهيم إذا تحبني لا تحرمني من حلم الامومه الله يخليك مو تكول احبج سوي تحليل بعد ما اتحمل ٥ سنوات مزوجين و بدون جهال و ما خليت فحص ما سويته بس انت و لا تكون وياي و لا تساعدني ما طالبه منك بس اريد تسويلي تحليل ابراهيم : و سويتها شيتغير رفيف حبيبتي فرضا طلعت مشكلة عندي أو عندج اكيد ويه الوكت تتعالج رفيف : ابراهيم اني مبيه شي و هاك أقره هاي كله تقاريري الطبيه ابراهيم : رفيف التريدي اني حاضر رفيف : تحليل ابراهيم : و إذا طلع سلبي رفيف : اعتذر منك ابراهيم اني ما أكدر ابقه وياك ابراهيم : إذا هيج بايعه اني بعد ما اريدج لمي غراضج رفيف : لو ما تعرف المشكلة منك ما تكول هيج ابراهيم : رفيييييييف لا تخليني افقد اعصابي عليج لج منو المشكلة بيه لحظه وحده ما تبقين بعد روحي يله رفيف : بعد احسن هذا الاريده ابراهيم : راحت البيت أهلها و رجعت يم اهلي كعدت مرت اسبوعين و إني على هل حال ام إبراهيم : ماما ابراهيم خلي اروح المرتك افتهم منها ابراهيم : والدتي الغاليه لا تدوخين نفسجين اني اتفاهم وياها ام إبراهيم : لك ماما انت مزعلها لازم انروح نشوفها ابراهيم : الله كريم طلعت العصر سويت التحليل و طلع صدك عندي المشكلة يمكن لو ميت أسهل عليه من لمن استلمت نتيجة التحليل رجعت البيتي و بقيت كاعد و اصفن حجم الوجع و الجرح الأني بيها أقوى من كل قوة بالطبيعة قفلت موبايلي و بقيت كاعد صارت لليل سمعت الباب اندك طلعت ابو ابراهيم : ها ابراهيم وينك ليش اهنا ابراهيم : يابه تعبان ابو إبراهيم : الله يسترنا شمتعبك ابني اكعد و احجيلي اشبيك ابراهيم : يابه الدنيا سوده عبالي ازوج ارتاح يابه لو ما مخلوق احسن ابو ابراهيم : ابني احجيلي بس خلي افتهم شصاير سالفة جبيره ابراهيم : يابه ابنك ما يخلف ابو ابراهيم : اسكت دير بالك تحجي هذا الكلام ابراهيم : هاي الحقيقه يابه ابو ابراهيم : ابني كلشي بيد ربك ربك إذا كتبلك جهال يصيرون عندك حتى لو عمرك سبعين هذا اخوك رؤوف ١٠ سنوات يله صار عنده إبراهيم : يابه رؤوف فرق عني رؤوف ما بي شي اني ابو ابراهيم : ابني عوف الموضوع على ربك و رجع زوجتك و عيش حياتك كلشي بيد ربك ابراهيم : بقه أبويه يواسيني بعدها بيومين رحت الرفيف لبيت أهلها رفيف : ها ابراهيم اشلونك هاي شنو الشيب ابراهيم : زين حبيبتي ههههههه سويتني شايب رفيف : حتى لو شايب حلو ابراهيم : رفيف جاي اخيرج بشي و حرام عليه اجبرجج احنا ما يصير بيناتنا جهال بكيفج تبقين وياي و انحاول بلكي يصير رفيف : ابراهيم جربنا كل الطرق حتى ادويه منشطه خليتلك ما صار عدنا اعتذر ابراهيم ما أكدر ابقه اسفه ابراهيم : براحتج فكري زين ورديلي خبر اني رايح رجعت للبيت و ما تغير اختيار رفيف بقت مصره على الطلاك بعد اسبوع اطلكنا جنت متعلق برفيف مثل تعلق الطفل بامه بس مع شديد الأسف باعتني بعد شهر من طلاكنا بقيت وحدي بالبيت و أهلي يجون عليه بين فترة و فترة خصوصا والدتي و والدي ابدا ما عافوني اشويه اشويه بدايت اطلع من جو الكآبه العشته رجعت ويه اهلي مرت سنتين على طلاكنا دوامي مستمر بالكلية لكن ص*ر امر على كلية خارج بغداد طلع توجهت للكلية رغم على اعصابي رحت اهناك بقيت سنتين اهناك تعودت على الكلية و كعدت بشقه وياي اساتذه بنفس البناية تعرفت على دكتور توفيق انسان جدا راقي و منا راح تبدي القصة ?????????????????? ابراهيم : كعدت الصبح أخذت دوش سريع و خابرت الوالده صباح الخير يا الغاليه ام ابراهيم : هلا يمه حبيبي شلونك ماما اشوكت تجي طك كلبي على شوفتك ابراهيم : ام إبراهيم ما صار يومين من عفتج ههههههه يا غزالتي ما اتاخر عليج الخميس يمج ابو ابراهيم : شو اطيني اياه مخلصتها بس تحجين وياه اشلونك ابني ابراهيم : اهلا والدي الغالي اشلونك يابه ابو ابراهيم : هاي امك تلوب مثل السمجه و مطلعه حركتها بمشكاة و جهالها الزغار ابراهيم : ههههههه مشتاقلكم رغم ذاك اليوم يمكم ان شاء الله الخميس جاي ابو ابراهيم : اي ابني لا اطولها علينا غيابك وحشه و حمودي و عموري مشاقيلك يتامى و معتبريك ابوهم ابراهيم : و إني معتبرهم ولدي حجي ايام يمكم بوسهم إليه سلمت و سديت الخط هذا نظام حياتي بدلت و سويتلي ريوك و شربت كهوتي و طلعت للكلية توفيق : صباح الخير منور دكتور إبراهيم ابراهيم : صباح النور توفيق الغالي لك بلا هل رسميات توفيق : شسوي اتلوك الك بلكي تأخذ الأول ابراهيم : لا كلشي و لا الأول دكتور توفيق تعال علم و إني ما بيه حيل توفيق : غير دكتورة ميسلون جابت ولادتها بهاي السنه ابراهيم : و بله شاخذهم توفيق : على اختصاصك هيومن بايلوجي و التشريح اني أخذهم ابراهيم : الله كريم دكتور توفيق تدلل انت عزيز عندي بس منو ياخذ الثاني و الثالث توفيق : اني اخذ الثاني و الرابع و انت الثالث و الأول هي كليتنا و لا يجيها دكتور فد فكر ابراهيم : ما شوف شمرونا بيها أخذت الثالث و عفت المرحلة الثانيه بدا تسجيل المرحلة الأولى و بيوم صادف رحت للتسجيل اشوف توفيق هذا وين راح شفت مره سألتني و جاوبتها _______________________________________ ريماس : رموشه اهنا يعني الهيبه ههههههه اشاقه اقصد الملكه رموشه من اني و زغيره حياتي لعب و ضحك و متعوده اي شي أريده أخذه بابا كرومي ما مقصر و لا ماما اثنينهم حياتي بيهم نملت فرح شعري طويل و طويلي وسط اما وزني ٥٠ حنطاويه و عيوني اسود او جوزي غامق كان أكثر واحد حقنه بالبيت جدو يحاسب و مثل اهل قبل على اللبس على اي شي و عنده الولد دائما بالقمة اما البنيه هي و الماسحة واحد بالع** عنده الماسحة يستفاد منها يمسح البيت و يضرب بيها كملت سادس بمعدلي ما رهم انقبل كلية طبية بغداد طلعتي صيدلة محافظات قريبة على بغداد بابا رحب بالفكرة اما جدو الحجي : انت عاقل مودي فرخه بكد ام الفلسين علمود دراسه كريم : بويه مستقبلها و أقسام بنات شعليها الحجي : ميل مني لا اكطع العكال على ظهرك كريم : بويه شنو قصتك اني مو كريم المراهق شوف الشيب تارس راسي همام : حجي حجاية عمي صحيحه و إذا شفتها سوت مشاكل بطلها و كعدها يمك الحجي : هاي البت هسه اجيبلنا العار يله ترتاحون عبد الرحمن : حجينا شجيبلك العار راح تتخرج صيدلانيه و ترفع راسنا بس اتفاءل الحجي : اطوني مهله افكر ريماس : استمر تفكير جدو لمدة أسبوع بعدها صاحني ها جدو الحجي : تعالي هاي كدام الكل اني اقبل مقابل تزوجين ابن خلف ريماس : جدو ما أكدر دراستي واني طالبة كريم : بويه رحمه الوالد*ك البنيه زغيره شزوجها الحجي : هذا قرراي قبلتو لو ما قبلتو ريماس : اجلوها لحد ما اتخرج الحمد لله رحت للكلية اني و بابا و ماما سجلنا وكعت عيني على واحد عيونه تموت عبالك تحجي كان يحجي ويه واحد بالتسجيل بس يالله عيونه لا هي رصاصي لا هي اسود و الشعر ابيض و بي اسود شكله كولش كيوووت شكلي وكعت من اول نظره كمت ابتسم و ادنك ام ريماس : شبيج ماما ريماس : هيج بس حبيت الكلية حيل بصوت ناعم ( نزلت عليه الانوثه ام ريماس : رموشه خاف تخربطي من الطريق ريماس : لا ماما تمام اني ابو ريماس : بابا حبيبتي بيج شي خاف مصخنه ريماس : وووووواي وين الكه مثلك حياتي مبيه شي ماما شويه خوافه ههههههه ( غير يموت هذا الجنتل رجاءا أريد واحد فديت الأناقة ام ريماس : عفيه استاذ بعد وين أودي المعاملة ابراهيم : عفوا انتو عدكم معاملة تسجيل ريماس : عزززه يمكن قطرة دم ما بيه خوف على فرح على كلبي الاحس مشغليه ساجده عبيد بس يهز ام ريماس : اي استاذ ابراهيم : تروحون اهناك اتكملوها بالتوفيق ان شاء الله ريماس : راحت ماما تستنسخ و إني كعدت على جهه دخل هو بغرفه خرب بحظي لا احسن خلي يروح خربط وضعي ( من اني و زغيره حلمي ازوج واحد بكد أبويه و شيب احس حكمه و تجربه و يعاملني مثل بنته و ما يوم يهيني مثل ما يسوي جدو بينا) كملنا معاملة و رحنا للاقسام سجلنا خطيه بابا دفع فلوس حتى نبقه بس ٣ بنات بالغرفه رجعت و شفت دكتور ابو عيون يالله ليش اموع من اشوفه اشبيج ريماس اشويه ثكل شفت كم بنيه جايه اسجل و همات ولد بس اشويه تختلف عن أجواء بغداد خصوصا اني لبسي اشويه و حجابي مو مضبوط من اطلع ويه بابا احسهم اكلوني بعيونهم صدوك همه ما اكو وحده هيج لابسه بس اللبس حريه شخصيه رجعنا للبيت تعبانيين بعدها بديت اشتري ملابس و كل شويه بالسوك اني و اختي نرومه صدوك بنات عم بس أكثر من خوات رجعنا من السوك طارق : ولج جايبه السوك و جايه و هو. انتي جنج قوطية ببسي خلصتي فلوسنا ريماس : عمووووو صيح بي يكول عليه قوطيه عبد الرحمن : ولك فلك ليصيبك عوف البنيه فرحانه ام همام : خاله مهنايه حبيبتي ريماس : فديتو خالتو حياتي حضنتها l love you so mach رامي : بده تفيك مال انكليزي بعدج ما مداومه ام همام : مسحت ادموعي ليش تقلد على بتي لا اكص اذاناتك ولك ريماس : شفت ?????? رامي : انتي حكومه وحدج أمريكا منو يندك بيج طارق : اي كوكولا ههههههه وارد أمريكي ريماس : شمرت عليه المخده و ركضت براه اخذ فستاني طروق اني اعلمك تعال طارق : لو تموتين ما اطيج الفستان راح اذبه بالزباله ريماس : طاااااارق همام : شكووو ريماس : همام بلييييييز أريد فستاني ميقبل يطيني اياه لزمه بأيد وحده ههههههه و اطاني الفستان حضنته حياتي ابو عضل اموووووت عليك و بسته طارق : خوش عندج حماية بريطانيا و أمريكا متوليات على العالم و انت بسيطه همام : امشي لك شوف شجايبلج ريماس : اكيد شغله حلوه حتى بدون ما اشوفها همام : روشي هاج أريد اشوفهن عليج خاف مو على كدج حتى ابدلهن ريماس : بسته حبيبي ثواني لبستهن سيتين تنوه و قميص و اثنينهم على كدي شوفتهم اله همام : طالعه صاكه شهل جمال ريماس : اووي خجلتني ? طارق : منيلها ابواكرم احلى منها نريمان : عوفي مييييييت غيره فلفل اسود ريماس : يله خلي اروح البيتنا بيت جدو كان الف متر بابا اخذ ٤٠٠ و عمو ٤٠٠ و جدو صار بيته بالنص ٢٠٠ بس كل هاي البيوت سوه يعني بابنا واحد و حديقه كبيره مجرد بس المطبخ وحد و للغرف بيتنا بشارع فلسطين تحديدا رجعت البيتنا ماماتي شمسويه عشه ام ريماس : ماما خير من الله تعالي اكلي مو تشلعين كلبي لا تكعدين تنكشين ريماس : افكر و بابا ما خابر ام ريماس : لا طالع واجب ريماس : يا حبي مرت الايام و اجه يوم دوامي لازم اروح للاقسام قبل يوم بدت ادموعي تنزل على مفاركة اهلي و جدو يوصي و بيبي هماتين اخذوني بابا و همام و عمو و ماما و خاله يوم صعب عليه و على اي طالب نمت وصلنا للاقسام..... _______________________________________

Free reading for new users

Scan code to download app

App Store Google Play

Facebookexpand_more