Ilang minuto pang matalim na nagtitigan sina Ycel at Froylan na may magkaibang sintemyento at pananaw sa pangyayaring iyon. Walang sinuman sa kanila ang nais na magbawi ng paningin upang patunayan kung sino ang nagsasabi ng totoo at ng pawang kasinungalingan lang. Ika nga ng laro nila noong nasa High School sila ay matira na lang ang matibay, at matatalo ang siyang mauunang kukurap sa kanila.
Hindi na mapigilan ni Ycel ang galit sa kanyang katauhan na pumuno pa sa puso niya dahil pinapalabas nitong nagkamali siya. Sa mga oras na iyon ay iba agad ang nararamdamang kutob niya. Hindi na basta iyon pagdududa, parang may mas malala pa doong nangyayari na hindi niya pa mawari. Si Ycel pa naman iyong tipo ng babae na papanindigan ang anumang sinasabi ng puso at ng nararamdaman dahil naniniwala
