Pasalampak na nakaupo sina Froylan at Ycel sa nakalatag na mat sa damuhan ng park habang kapwa nakatunghay sa dalawang anak nila na maingay na naglalaro sa harapang damuhan. Makulimlim ang panahon ng mga sandaling iyon dahil ang matinding sikat ng araw ay natatakpan ng makapal na mga ulap. Makikita na nagbabadyang hindi magtatagal ay babagsak na dito ang malakas na ulan. Kapwa pinapanood ng mag-asawa si Fabian na walang humpay na patakbo-takbo sa damuhan, nanadiyan ang mag-tumbling pa ito na halatang aliw na aliw sa kanyang ginagawa at kalayaang tinatamasa. Bagong environment iyon kumpara sa apat na sulok ng silid kung saan sila madalas na maglaro ng kanyang kapatid. Sa likuran naman nito ay naroon si Yael na patuloy na gumagapang. Ito ang scenario na kada linggo ay nais sanang masilayan n
