MATAPOS ihinto ni Tom ang sasakyan ni Beatrice sa harap ng bahay ampunan ay kumunot ang noo niya nang makitang nag-aabang sa gate si Angel kasama sina sister.
‘Is she going somewhere?’ nagtatakang tanong ni Bea sa sarili. Base sa suot nito ay mukhang may pupuntahan kasi ito.
"Aba, ayos na ayos ang get up natin ah," nakangiting sabi ni Tom at ginulu-gulo ang buhok ni Angel.
"Thank you kuya Tom," ubod tamis ang ngiti at pademure na sagot ng bata.
She rolled her eyes. ‘Aba, nakaharap lang ang crush may alam na siyang ganon ngayon? Ni hindi man lang ako pinansin.’
Ngali-ngali na niya itong kurutin. Itsapwera pala siya kapag kasama niya ang hinayupak na crush nito. Kung alam niyang ganon, eh di dapat pala'y pinagmascot na lang niya si Tom.
‘Kung bakit naman kasi sa dinami-dami ng magkak
