“WHAT the fvck!” hindi mapigilang mapasigaw ni Beatrice nang pagkahimpil na pagkahimpil niya sa sasakyan sa parking lot ng university ay bigla na lang may bumato sa bintana ng kotse niya. Maang at awang ang mga labing bumaba siya ng kotse upang tingnan ang damage niyon. “Darn it!” Pakiramdam niya'y kumulo ang dugo niya sa matinding galit nang makitang basag ang salamin ng sasakyan niya.
Ikinalat niya ang tingin at halos ay naningkit ang mga mata niya nang makita ang ilang grupo ng mga babae ang nakangisi sa kanya habang nilalaro sa kamay ang mga batong hawak ng mga ito.
"Kayo ba ang gumawa nito?" nagtatagis ang mga bagang na tanong niya.
"Oo, bakit may angal ka?" taas ang kilay na tanong ng isa sa mga ito.
"Alam mo ba kung gaano kamahal ang kotseng iyan? Ha?" Naiinis na nilapitan niya
