Mabilis ang ginawang paglingon ni Rani ng maulinigan niya ang hindi pamilyar na tinig na iyon. Pinilit niya ang sarili na ngumiti kahit pa ang naging labas noon ay plastic lang. Si Florentin iyon. Ang nag-iisa at panganay na kapatid ni Figuro na sa Spain na nakatira. Nasa bansa lamang siya upang dumalo sa engagement ng kanyang kapatid. Kilala ito ni Rani. Isa ito sa pinag-aralan niya habang pina-plano nila ang pagpapanggap.
“Medyo nakakatayo na rin ng matagal, Kuya Florentin subalit bawal pa ’ring pwersahin.”
Tuluyan itong humakbang palapit sa kanya. Unang kita pa lang ni Rani dito ngayon sa personal ay hindi niya na gusto ang aura. Nagawa na ito noong mabanggit ni Dani sa kanya, ilang beses na rin daw silang nagkita. Kaya naman hindi na rin bago ito sa kanya. At okay naman daw ang relas
