Pasimple akong tumungo nang tumapat sila sa akin. Nakita ko namang busy si Calyx sa pakikipag-usap sa mga tauhan nito kaya hindi ito lumingon sa akin. Nang lumampas ako sa kanila ay dali-dali akong humakbang para lang makalabas ng hospital na ito. Talagang abot-abot ang kaba ng aking dibdib ng mga sandaling ito. Baka kasi makilala ako ni lolo Calyx. Lagot ako roon.
Parang lumuwag lang ang paghinga ko nang makasakay na ako ng taxi at nagpahatid sa apartment ko. Kailangan kong bumalik doon upang makakuha ng mga gamit ko, lalo ang ginagamit ko sa school.
Nang huminto ang taxi at agad akong nagbayad sa taxi driver. Walang lingon-lingon na humakbang ako at nagmamadaling pumasok sa apartment ko. Ini-lock ko muna ang pinto at bintana bago ako pumasok sa aking kwarto.
Nang tuluyang makaratin
