Dahil kabado bente ako ay medyo lumayo ako sa lalaki. Iwas na iwas naman akong tumingin dito at baka maakit ako sa taglay nitong karisma. Mabuti na lang din at hindi na nagtanong si Hidelyn sa kapatid nito tungkol sa nangyari sa labi nitong pumutok talaga.
Sa durasyon ng biyahe namin ay tahimik lamang ako. Ayaw ko kasing makisawsaw sa usapan ng magkapatid pagdating sa negosyo na balak nilang itayo. Napag-alaman ko na magsisimula na si Hidelyn sa unang negosyo nito. Kitang-kita ko naman ang tuwa sa mukha ng kaibigan ko dahil pumayag na si Calyx sa matagal nang hiling ni Hidelyn. Sobrang saya ko para sa aking kaibigan, dahil unti-unti na nitong natutupad ang mga pangarap nito kahit sa batang edad pa lang na ito na 18 years old. Ito ang susunod sa mga yapak ni Calyx pagdating sa negosyo ay
