Totoo nga ang sinabi ni Ate Sandra. Masarap ang mahalin ka. 'Yong tipong sa 'yo umiikot ang mundo niya at ikaw ang kanyang prinsesa.
Palaging nagiging special ang mga araw ko dahil sa walang sawang pagpapakilig ni Zack. Kahit na nga malayo kami sa isa't isa.
Pero may bahagi ng puso ko na waring hindi masaya, madalas ko rin siyang naikukumpara kay Gin. Naalala ko pa iyong sabi ko noon na 'kung hindi si Gin 'wag na lang,' iyong tipong si Gin ang basehan.
Sa pagdaan ng mga araw ay mas napapansin ko rin ang pagkakapareho nilang dalawa. Mga paboritong kulay, pagkain at maging sa pananamit din.
Minsan dinadapuan rin ako ng konsensya dahil alam kong magkaiba silang dalawa. Si Zack na ang boyfriend ko ngunit si Gin pa rin ang nasa isip ko. Si Zack mahal ako at si Gin...hindi ko alam.
Halos se
