"No!"
At muling bumalong ang mga luha ko sa narinig mula sa lalaking pinakamamahal ko.
Dahil lutang hindi ko alam kung paano ako naiuwi ni Ate Mae. Basta nakita ko na lang ang sarili kong nakaupo na sa sofa sa bahay namin. Walang imik si ate at maging ako rin. Pareho kaming tulala sa nangyari kanina. Napatingin ako kay ate ng mag-ring ang phone niya.
"Ma..." Tumayo na si ate sa kinauupuan. "Nagpahinga lang po ako saglit. Papunta na po ako d'yan." At saka pinatay ang tawag.
Umakyat siya sa taas at pagbaba ay dala niya na ang bag. Gamit iyon ni papa at iyon marahil ang itinawag ni mama.
"P'wede ba akong sumama, ate?" tanong ko. "Gusto kong makita si papa."
"Palipasin mo muna ang galit ni mama. Baka pag nakita ka niya sumabog na naman 'yon," sagot niya.
Hindi na rin ako nagpumilit pa a
