"P'wede ba tayong mag usap?" tanong ko.
Nakaawang pa rin ang kanyang labi at walang kakilos-kilos mula sa pasimano ng bintana kung saan ko siya nakitang nakaupo kanina.
"Uh... kararating ko lang kasi, hindi pa ako nagdi-dinner," sabi ko pa ngunit walang reaksyon mula sa kanya at ganoon pa rin ang ayos niya mula kanina.
"Hoy, Zack! Tulala ka na d'yan!" sita ni Ate Zarina mula sa kung saan. "Ay! Mikay, ikaw pala! Hoy!" Sabay tapik ni Ate Zarina sa braso ng kapatid.
"H-ha?" nauutal na baling pa ni Zack kay ate.
"Anong ha?! Siraulo ka! Malamok sa labas at galing sa byahe ang girlfriend mo tapos hindi mo man lang aluking pumasok!" naiinis na sermon pa ni ate sa kanya. "Pasok ka muna, Mikay. May kailangan ka ba?"
"Kakarating ko lang, ate, pumunta lang ako dito para yayain sanang mag-dinner
