Chapter 16
Habang sa kalagitnaan na sila ng pagkain at pag-uusap ay nakita naman ni Leon ang pagpasok ni Stefi sa restaurant kasama ang mortal niyang karibal na si Nathaniel. Nakita rin ni Crismafel ang pagpasok ng dalawa at ang sweet pa tingnan ng mga ito. Biglang umigting ang panga ni Leon sa nakita. Hindi naman lingid sa kaniya na matagal na may gusto si Nathaniel sa kaniyang nobya. Pero ang hindi niya maintindihan kung bakit nakikipagmabutihan ang girlfriend niya sa lalaking ito.
Hindi na lamang nagpahalata si Leon kina Mr. and Mrs. Zakuraki. Hanggang sa tumayo na ang mag-asawa at nagpaalam na sa kanilang dalawa na umuwi.
''Salamat sa inyong dalawa. Ako masaya dahil pumayag kayo makipag-dinner sa amin ng aking asawa,'' wika ni Mr. Zakuraki at nakipagkamay ito sa kanilang dalawa ni
