Chapter 22
Lawrence's P.O.V
Nandito ako ngayon sa bahay ni ate Ciarly at kuya Lenus. Sabi ni Mama ay samahan ko muna si ate dahil nasa seminar si kuya Lenus.
"Ikaw ba ulit magpapadighay?" tanong ni ate sa akin.
"Oo ate!" masiglang sabi ko.
"Sige, yung ulo ha, alalayan."
Dahan-dahan niyang binigay sa akin si Zephyrine.
Una kong inalalayan ang ulo nito. Nilagay ni ate ang lampin na ginagamit naming pamunas o panyo sa aking balikat. Dahan-dahan kong pinatong ang ulo ni Zephy sa aking balikat at saka hinimas-himas ang likod nito.
"Sayaw-sayaw ka na," ani ate.
Pumadyak-padyak ako ng mabagal. Ilang sandali lang ay narinig ko na ang dighay ni Zephy.
"Galing ha, 18 ka pa lang pero marunong ka na mag-alaga ng baby," sabi ni ate.
"Naman ate, tinuturuan mo ako e.
