Sa isang high-rise apartment na malapit na malapit lang sa Young Bucks Society Building ako pinatira ni Larwin. Gusto niya ay sa isang condominium na malapit lang din sa YBSB pero hindi ako pumayag. Kahit na sinasabi niyang si Ma’am Lady ang pumili ng lugar na ‘yon ay hindi ako naniniwala sa kanya. Binanggit niya pa ang tungkol sa ginawa kong pagtanggi sa binabayad niya sa akin noong nagtrabaho ako sa kanya. Kaya bago pa kami mag-away ay pumayag na ako na tumira sa apartment na pinili niya.
Pagbalik ni Ma’am Lady galing sa bahay nina Boss Jared ay marami siyang kwento tungkol sa pamilya ng mga Mijares. Mukhang masayang masaya siya at excited na excited sa gagawing pamamanhikan ng mga ito sa pamilya niya.
“Mukhang kinakabahan si Mommy sa pamamanhikan kasi tanong nang tanong kay Jared kung
