“Mau!”
Hindi ko na nagawang sagutin ang tanong ni Larwin dahil agad na nilapitan ako ng Mommy niya. “Magandang umaga po, Mrs. Ross. Alam kong tulog pa po si Ma’am Lady ngayon kaya dito na ako dumiretso sainyo,” nakangiting paliwanag ko. Agad na hinawakan niya ang kamay ko at marahang pinisil.
“Salamat talaga, Hija! Sinabi ko kay Lady na ‘wag ka nang papasukin pero ang sabi niya ay nagpumilit ka raw na tulungan kaming maghanda ng mga pagkain. Sigurado ka ba? Wala ka bang gagawin ngayon? Nakipag-date ka na lang sana sa boyfriend mo para hindi ka na mapagod!” Tuloy-tuloy na bulalas niya. Ngumiti ako pero agad na natigil nang tumawa ng nakakaloko si Larwin.
“Boyfriend,” natatawang ulit niya sa sinabi ng Mommy niya kaya agad na tinaasan ko siya ng kilay. Kumunot ang noo ng Mommy niya at nagt
