Nakatingin ang halos lahat ng bodyguards sa akin nang bumalik ako sa corporate house ng Mijares Trine. Sinabi ko na kay Kuya Mark ang nangyari at sinabihan niya akong bumalik dito sa corporate house at hintayin ang pagdating niya. May inutos lang daw sa kanya si Boss Jared at babalik siya kaagad dito para kausapin ako.
Sa totoo lang ay inaasahan ko namang malalaman rin ni Larwin Ross ang totoo pero hindi ko inaasahan na ganito kabilis niyang malalaman lalo na at nag-iingat naman ako na ‘wag siyang makahalata na babae ako. Pero dahil sa nangyaring pag-atake sa kanya ay sumabay pa ang period ko kaya nawalan tuloy ako ng malay. Kung hindi siguro ako hinimatay ay hindi pa rin niya malalaman ang totoo.
“Anong ginagawa mo d’yan sa labas ng gate, Mau? Pumasok ka dito!”
Si Kuya Franco ang unang
