Isang buwan pa ang lumipas bago ko tuluyang napag-isipan ang tungkol sa inaalok na trabaho ni Ma’am Lady sa akin. Parang palala nang palala ang pag-iisip niya tungkol sa kuya niya at sa totoong intensyon ni Maple Reynolds sa pagpasok nito sa Rosswin Realty kaya pati ako ay naapektuhan.
Madalas ko siyang naiisip kahit na nasa trabaho ako at nag-aalala ako lalo na nang ibalita ni Boss Jared sa akin na may sakit si Ma’am Lady. Noong araw din na ‘yon ay dinalaw ko siya sa bahay nila.
Hindi naman niya binanggit ang tungkol sa inaalok niya na trabaho pero hindi ko maintindihan ang bigat na nararamdaman ko na nakikita siyang nahihirapan sa pag-iisip sa kapakanan ng kuya niya. Kahit hindi niya aminin ay halatang mahal na mahal niya ang kuya niya at concern siya sa magiging buhay nito kung mapupu
