Medyo natagalan kami ni Larwin sa byahe papunta dito sa location kaya medyo late din kaming nakapag lunch kasama ang kliyente.
Habang kumakain ay tahimik na nakikinig lang ako sa ginagawang pakikipag usap ni Larwin sa kliyente. Mukhang wala pa sa mood ang kliyente kaya hindi siya makapag focus sa pinag-uusapan. Ayaw pa naman ni Larwin ang paulit-ulit kaya napapansin ko na medyo umiinit na ang ulo niya kaya pasimpleng inaabutan ko ng tubig para kumalma.
Matapos ang mahigit isang oras na meeting ay lumabas na kami ni Larwin sa restaurant. Halatang iritado siya dahil sa hindi magandang kinahinatnan ng pag-uusap nila ng kliyente. Palapit na kami sa sasakyan nang nagsimulang bumuhos ang malakas na malakas na ulan.
Hinawakan ni Larwin ang kamay ko at saka nagmamadaling binuksan ang sasakyan n
