Simula noong inamin sa akin ni Larwin na ako talaga ang gusto niya at hindi si Maple Reynolds ay hindi ko pa rin nagawang sabihin kay Ma’am Lady ang tungkol doon lalo na at pinag iisipan ko pa kung paanong aaminin kay Larwin ang tungkol sa naging plano namin na akitin siya para ilayo ang loob kay Maple.
Hanggang sa tuluyan ko nang nakaligtaan ang tungkol doon dahil sobrang naging busy kami sa opisina sa pagdating ng isang malaking project ng Rosswin Realty. Naging busy na rin sa preparation para sa second wedding sina Ma’am Lady at Boss Jared kaya mas lalong hindi ko na nabanggit kay Ma’am Lady ang kung anong namamagitan sa amin ng kuya niya.
Mabuti na lang at hindi namimilit si Larwin sa mga desisyon na ginagawa ko. Nang sabihin niya sa akin na liligawan niya ako ay totoo talagang nanli
