Simula noong nalaman ni Ma’am Lady na nasa ibang bansa si Larwin Ross kasama si Maple Reynolds ay hindi na naman siya tumigil sa kakaisip tungkol doon. Ayaw na ayaw talaga niyang magkatuluyan ang kuya niya at ang Maple na ‘yon kaya kahit ang Mommy niya ay kinukulit niya para kausapin ang kuya niya.
“Stop stressing yourself over your brother’s love life, Lady. Isa pa, trabaho ang dahilan kaya nasa Los Angeles ang kuya mo. Alam mo namang may pagka perfectionist ‘yon pagdating sa trabaho. Ayaw niyang may masabi ang mga Tito mo sa ginagawa niyang pagpapatakbo sa kumpanya kaya gusto niya pang matuto.”
Bumuntonghininga ako nang marinig ang pasimpleng panenermon ni Mrs. Ross kay Ma’am Lady. Araw-araw niyang kinukulit ang kuya niya at tinatawagan para lang usisain ng tungkol kay Maple Reynolds.
